باختصار: من الشكل ← «الهيدر والفوتر» تختار شكل أول الصفحة وآخرها، وتشغّل شريط إعلان بسطر واحد فوق موقعك كله. التلاتة ثابتين في كل الصفحات، ومش بيتحسبوا من الـ 16 قسم، وطلابك بيشوفوا أي تغيير فيهم بعد ما تدوس «انشر».
شريط إعلان
سطر واحد فوق كل صفحات أكاديميتك: مجموعة جديدة، خصم، ميعاد امتحان.
- في «شريط إعلان» اكتب «كلام الإعلان». عايز كلمة تبان؟ حطها بين علامتين يساوي كده:
==خصم 20%==. - لو عايز رابط: اكتب «كلام الرابط» (زي: احجز مكانك)، واختار «الرابط يودّي على فين؟»: صفحة، أو كورس، أو الواتساب بتاعك، أو رابط تاني.
- اختار «شكل الشريط»: شريط عريض على عرض الشاشة، أو كبسولة طايرة تحت الهيدر.
- شغّل «اعرض شريط الإعلان».
يختفي لوحده
في «يختفي لوحده بعد يوم» اكتب اليوم والشهر والسنة. الشريط بيفضل ظاهر لآخر اليوم ده، وبيختفي من اليوم اللي بعده من غير ما تفتكره. سيبهم فاضيين لو مش عايزه يختفي.
لو اليوم عدّى هتشوف: «اليوم ده عدّى، فالشريط مش ظاهر لطلابك. غيّر التاريخ أو امسحه.»
على الموبايل
الشريط سطر واحد، فبيظهر اللي قبل علامة «·» بس. يعني «مجموعة جديدة لتالتة ثانوي · خصم 20% لأول أسبوع» بيظهر على الموبايل «مجموعة جديدة لتالتة ثانوي». حط الأهم في الأول. والطالب يقدر يقفل الشريط من علامة ×.
أول الصفحة (الهيدر)
فيه اللوجو والقايمة وزرار الاشتراك. اختار «شكل الهيدر»:
- شريط: اللوجو على جنب، والصفحات، والزرار.
- اللوجو في النص: والصفحات على الجنبين. حلو للأشكال الرسمية.
- بسيط: اللوجو وزرار القايمة بس.
- كبسولة طايرة: شريط بزوايا مدوّرة طاير فوق الصفحة.
وتحتهم «كلام الزرار» (زي: اشترك، ابدأ دلوقتي) و**«الزرار يودّي على فين؟»**. مش عايز زرار في الهيدر؟ اختار «—». على الموبايل بيظهر اللوجو والزرار والقايمة، والقايمة بتفتح على الشاشة كلها.
آخر الصفحة (الفوتر)
فيه اسم أكاديميتك وصفحاتك وطرق التواصل. اختار «شكل الفوتر»:
- أعمدة: اسمك وصفحاتك وتواصل، كل حاجة في عمود.
- سطر واحد: كل حاجة في سطر، للي عايز آخر الصفحة بسيط.
- كبير بدعوة: فوق الأعمدة جملة «جاهز تبدأ مع …؟» وزرار «شوف الكورسات».
وتقدر تكتب «سطر عنك» يظهر تحت اسم أكاديميتك (لو سبته فاضي، هنكتب سطر من مادتك ومرحلتك)، و**«مواعيد الرد»** زي: السبت للخميس · 12 م – 10 م.
شريط «بتشتغل بـ حصّتي» بيفضل تحت الفوتر زي ما هو، في كل الأكاديميات.
لو أول مرة تفتحهم
لو أكاديميتك قديمة شوية، هتلاقي سطر بيقولك إن الهيدر هيبقى فيه زرار «اشترك» وإن الفوتر هياخد الشكل اللي اخترته أول ما تحفظ أي تغيير هنا. لحد كده، طلابك شايفين أول الصفحة وآخرها زي ما كانوا.
اقرا كمان
- الأقسام الجديدة، وكل قسم إمتى تستخدمه: للأخبار الأطول من سطر، استخدم قسم «أخبار وإعلانات».
- تراجع، والنسخ السابقة
محتاج مساعدة؟
كلّمنا على واتساب من زرار «محتاج مساعدة؟» في أي شاشة، وقولنا انت فين، وهنرد عليك بسرعة.