1. أنشئ فصلك
- افتح تطبيق حصّتي وادخل بحسابك.
- من تبويب فصولي اضغط «+ فصل جديد».
- اكتب اسم الفصل، زي «رياضيات · 3 ثانوي».
- لو حابب، اكتب أسماء طلابك، كل اسم في سطر. تقدر تضيفهم بعدين برضه.
- اضغط «احفظ». هتلاقي نفسك في صفحة الفصل.
أو من الموقع: في صفحة حسابي اكتب اسم الفصل تحت فصل جديد واضغط «أنشئ الفصل».
2. ابعت لكل طالب رابطه
في صفحة الفصل، جنب كل طالب فيه زرار «ابعت الرابط» (وعلى الموقع زرار واتساب). بيفتح واتساب برسالة جاهزة فيها رابط الطالب. الرابط ده ثابت، يعني الطالب بيدخل بيه كل حصة.
الطالب مش محتاج حساب ولا كلمة سر، ومش لازم ينزّل التطبيق: الرابط بيفتح الحصة في المتصفح على طول.
3. ابدأ الحصة
- من الموقع: في حسابي اضغط «ابدأ الحصة» في كارت الفصل. الحصة بتفتح في المتصفح من غير تحميل. شوف اشرح من المتصفح.
- من التطبيق: اضغط «ابدأ الحصة» من صفحة الفصل، أو من كارت حصّتك الجاية في الرئيسية.
الطلاب اللي فاتحين روابطهم بيدخلوا تلقائيًا، واللي معاه التطبيق على أندرويد بيوصله إشعار إن الحصة بدأت.
لو سجّلت بالإيميل، لازم تأكّد إيميلك الأول من الرسالة اللي وصلتك، وإلا مش هتقدر تبدأ الحصة.
خطوة إضافية مفيدة
حدّد ميعاد الفصل الأسبوعي من صفحة الفصل («عدّل الميعاد»). هيظهر الميعاد في جدول الأسبوع، والطالب اللي يفتح رابطه بدري هيشوف ميعاد الحصة الجاية.