حصّتيحصّتي

افتح أكاديميتك في 3 خطوات

اشترك في منصّتي، وجاوب أسئلة صغيرة في حوالي 6 دقايق من موبايلك، وابعت الرابط لطلابك. كل إجابة جاهزة، وكل حاجة تتغيّر بعدين.

آخر تحديث: 27 أكتوبر 2026 دقيقتين قراءة

باختصار: 3 خطوات وأكاديميتك تبقى أونلاين باسمك: اشترك ← جاوب أسئلة صغيرة ← ابعت الرابط لطلابك. كل حاجة من موبايلك، ولو بتعرف تبعت صورة على واتساب، هتعرف تعملها.

قبل ما تشترك

  • منصّتي بتدفعها وتبدأ على طول، من غير ما تستنى حد. ولو غيّرت رأيك، ليك استرداد كامل خلال 7 أيام بشروط بسيطة (اعرف الشروط).
  • السعر 799 ج.م في الشهر، وفيها الحصص اللايف كاملة.
  • عايز تتفرّج الأول؟ شوف كل الأشكال مكتوبة باسمك.

1. اشترك

  1. افتح صفحة الاشتراك في منصّتي. عندك حساب في حصّتي؟ ادخل بيه. مش عندك؟ اعمله في نفس الصفحة في دقيقة.
  2. اختار المدة: شهر، أو 3 شهور، أو سنة (الأوفر).
  3. حوّل بفودافون كاش أو إنستاباي وارفع صورة التحويل، أو ادفع بالكارت.

كل حاجة عن الدفع والنشر في ادفع، وأكاديميتك تشتغل.

2. جاوب أسئلة صغيرة

أول ما تبعت صورة التحويل هتشوف «وصلنا التحويل ✓». دوس «يلا نبدأ» وابدأ على طول، مش لازم تستنى تأكيد الدفع.

  • سؤال واحد في كل شاشة، في 6 أجزاء: الاسم · الشكل · الصور · عنك · الفلوس · انشر. والإعداد كله حوالي 6 دقايق.
  • كل سؤال جاي بإجابة جاهزة من حسابك: اسمك ورقمك وصورتك ومادتك. لو دوست التالي في كل شاشة من غير ما تغيّر حاجة، هتطلع بأكاديمية سليمة.
  • رابط أكاديميتك بيظهر تحت الاسم، زي mr-ahmed.hessety.com. ده اللي هتبعته لطلابك.
  • مش عايز تجاوب دلوقتي؟ دوس بعدين. ومحتاج تمشي؟ دوس احفظ واخرج، وكل حاجة بتتحفظ لوحدها.
سؤال من إعداد الأكاديمية ومعاينة حيّة
سؤال واحد، وتحته التالي وبعدين

3. ابعت الرابط لطلابك

في الآخر هتشوف «مبروك! أكاديميتك جاهزة» ومعاها الرابط وزرار ابعته على واتساب برسالة جاهزة. أكاديميتك بتتنشر لوحدها أول ما الدفع يتأكد والإعداد يخلص.

شاشة مبروك ورابط الأكاديمية
الرابط وزرار ابعته على واتساب

لوحة منصّتي بضغطة من موبايلك

حط لوحة منصّتي على الشاشة الرئيسية زي أي تطبيق. ده اختصار من المتصفح، مش تطبيق جديد:

  • أندرويد: افتح لوحة منصّتي من كروم، ودوس النقط التلاتة فوق ← إضافة إلى الشاشة الرئيسية.
  • آيفون: من Safari دوس زرار المشاركة (أو ••• على iOS 26) ← إضافة إلى الشاشة الرئيسية.

لو حصل كده

  • قفلت الصفحة في النص؟ كله محفوظ. افتح لوحة منصّتي ودوس كمّل.
  • صورة من الآيفون مش راضية تترفع؟ خد لها سكرين شوت، وارفع السكرين شوت.
  • محتاج تأكد إيميلك قبل النشر؟ دوس الزرار اللي في رسالتنا، أو اكتب الكود (6 أرقام) اللي فيها في شاشة النشر. مش لاقيها؟ بُص في «الرسائل غير المرغوب فيها» (Spam).
  • عايز تغيّر حاجة بعدين؟ الاسم والشكل والصور وطرق الدفع تتغيّر في أي وقت. والرابط يتغيّر مرة واحدة بعد النشر، والقديم بيوصل للجديد لوحده 90 يوم.

محتاج مساعدة؟

كل شاشة في الإعداد فيها محتاج مساعدة؟ بيفتح واتساب مع فريقنا، برسالة جاهزة فيها انت فين.

الخطوة الجاية

أكاديميتك جاهزة؟ يلا ارفع أول فيديو.

كل مقالات «منصّتي»