حدّد الميعاد
- افتح الفصل من فصولي.
- في قسم الميعاد اضغط «عدّل الميعاد».
- اختار أيام الحصة، زي السبت والثلاثاء.
- اختار الساعة ومدة الحصة.
- احفظ.
الميعاد بيعمل إيه؟
- الرئيسية بتعرض حصّتك الجاية على طول، زي «رياضيات · السبت 7:30 م».
- جدول الأسبوع بيعرض كل حصصك من السبت للجمعة، والحصة الجاية متعلّمة.
- الطالب اللي يفتح رابطه قبل الحصة بيشوف «الحصة لسه مابدأتش» وميعاد الحصة الجاية، ويفضل مستني لحد ما تبدأ.
التوقيت
الميعاد بيتحسب تلقائيًا بتوقيت البلد اللي اخترتها وإنت بتسجّل. لو محتاج توقيت تاني لفصل معيّن، غيّره من «ميعاد الحصص» تحت الفصل في صفحة حسابي على الموقع.
لازم أبدأ الحصة في ميعادها؟
لأ. الميعاد للتنظيم والتذكير بس، وتقدر تبدأ الحصة في أي وقت. الحصة مش بتبدأ لوحدها، إنت اللي بتضغط «ابدأ الحصة».