المقال ده للطالب أو ولي الأمر. لو إنت معلم، ابعته لطلابك.
بالرابط (الأسهل)
- افتح الرابط اللي المعلم بعته لك على واتساب.
- هتلاقي اسمك مكتوب، زي «أهلًا أحمد».
- اضغط «ادخل الحصة».
الرابط ده بتاعك إنت بس، وبيفضل شغّال كل حصة. احفظه أو ثبّت الرسالة في واتساب.
بكود الحصة
لو المعلم اداك كود زي 7KQ-29M:
- من المتصفح: افتح hessety.com/j، اكتب الكود واسمك، واضغط «ادخل الحصة».
- من التطبيق: افتح تطبيق حصّتي، اختار «أنا طالب»، واكتب الكود أو الصق الرابط، واسمك، واضغط «ادخل الحصة».
لو الحصة لسه مابدأتش
هتشوف «الحصة لسه مابدأتش» وميعاد الحصة الجاية لو المعلم محدّده. سيب الصفحة مفتوحة، وهندخّلك أول ما المعلم يبدأ.
- في المتصفح تقدر تضغط «نبّهني لما الحصة تبدأ» علشان يجيلك تنبيه لو قلبت على صفحة تانية.
- لو داخل برابطك، تقدر تضغط «أضف المواعيد لتقويم موبايلك» علشان الحصص تظهر في تقويمك.
جوّه الحصة
تحت عندك خمس أزرار بس: مايك، كاميرا، ارفع إيدك، الدردشة، خروج.
لو دخلت والحصة فيها طلاب كتير، ممكن تدخل تتفرّج وتسمع الأول. ارفع إيدك لو عايز تتكلم، ولما المعلم يسمح لك المايك بيتفتح.
لو خرجت أو النت فصل، ارجع من نفس الرابط طول ما الحصة شغّالة.