تقدر تحط الأكاديمية على الشاشة الرئيسية في موبايلك، بأيقونتها واسمها، وتفتحها بضغطة من غير ما تدوّر على الرابط في الواتساب. مش محتاجة Play Store، ومش بتاخد مساحة تُذكر، وبتتحدّث لوحدها.
للمعلم: ابعت المقالة دي لطلابك، أو سيبهم: الأكاديمية نفسها بتعرض عليهم التثبيت من تاني زيارة أو بعد ما يدخلوا.
قبل أي حاجة: افتحها في كروم أو سفاري
لو فتحت الرابط من جوه فيسبوك أو إنستجرام أو تيك توك، التثبيت مش هيظهر. دوس على الزرار اللي فوق افتح في كروم (على أندرويد)، أو على النقط التلاتة ← فتح في Safari (على الآيفون)، وكمّل من هناك.
على أندرويد (كروم)
- هيظهرلك تحت: «ثبّت أكاديمية أ. (اسم المدرس) على موبايلك…». دوس ثبّتها.
- كروم هيسألك: دوس تثبيت.
- خلاص كده: الأيقونة على الشاشة الرئيسية.
مش شايف الشريط؟ دوس على النقط التلاتة ⋮ فوق في كروم، واختار تثبيت التطبيق أو إضافة إلى الشاشة الرئيسية.
دوست مش دلوقتي؟ الشريط بيستخبى أسبوعين. وتقدر تثبّتها من القايمة في أي وقت.
على الآيفون (Safari)
الآيفون مش بيثبّت بضغطة، فبنوريك الخطوات بالصور حسب نسخة الموبايل:
iOS 26 وبعده:
- دوس على النقط التلاتة (•••) جنب الرابط.
- دوس مشاركة.
- دوس إضافة إلى الشاشة الرئيسية، وسيب فتح كتطبيق ويب شغّال.
قبل iOS 26:
- دوس على زرار المشاركة تحت (المربع اللي طالع منه سهم).
- اختار إضافة إلى الشاشة الرئيسية.
- دوس إضافة.
مش لاقي «إضافة إلى الشاشة الرئيسية»؟ انزل في القايمة شوية، ساعات بتبقى تحت.
بعد التثبيت
- افتحها من الأيقونة من هنا ورايح.
- على الآيفون هتحتاج تدخل مرة واحدة كمان من الأيقونة: الأكاديمية المتثبّتة على الآيفون بتتحسب جهاز لوحدها. عشان كده كل حساب ليه 3 أجهزة: الموبايل من المتصفح، ونفس الموبايل من الأيقونة، ولابتوب.
- لو وصلت لحد الأجهزة، هنسألك تشيل جهاز مش بتستخدمه وتكمّل على طول. ومن أجهزتي تقدر تشيل أي جهاز قديم في أي وقت.
- الحصص اللايف: «ادخل الحصة» بيفتح الحصة من الأكاديمية نفسها. ولو على الآيفون الكاميرا والمايك ما اشتغلوش من الأيقونة، افتح أكاديميتك من Safari وادخل الحصة من هناك.
عايز تشيلها؟
دوس مطوّل على الأيقونة واختار إزالة أو حذف التطبيق. حسابك وكورساتك وتقدّمك مش بيتمسحوا: افتح الرابط من المتصفح وادخل عادي.