باختصار: مش لازم خالص. رابطك (زي mr-ahmed.hessety.com) شغّال من أول يوم. بس لو عايز طلابك يدخلوا من دومين باسمك، اربطه في 3 خطوات، والباقي علينا.
1. اشتري دومين (لو مش عندك)
من أي شركة بتبيع دومينات، زي GoDaddy أو Namecheap أو Hostinger. واختار له بداية زي www أو academy، يعني www.mrahmed.com أو academy.mrahmed.com.
2. اكتب الدومين وحط السطر
- افتح اربط دومينك من لوحة منصّتي، واكتب الدومين، ودوس كمّل.
- هنديك سطر واحد، وجنب كل خانة زرار انسخ: النوع (CNAME)، والاسم، والقيمة.
- ادخل حسابك في الشركة اللي اشتريت منها الدومين، وافتح الدومين، وضيف سطر جديد من نوع CNAME، والصق فيه الاسم والقيمة. لو الشركة بتسأل عن TTL، سيبه زي ما هو.
إحنا بنعرف لوحدنا دومينك عند أنهي شركة (GoDaddy وNamecheap وHostinger وCloudflare وSquarespace وWix)، وبنوريك خطواتها هي بالظبط، برسمة لخاناتها وفيها الاسم والقيمة بتوعك. مش هي؟ دوس اختار شركتك تحت العنوان.
فين ألاقي المكان ده؟
- GoDaddy: افتح الدومين ← DNS ← Add New Record، واختار CNAME.
- Namecheap: Domain List ← Manage ← Advanced DNS ← Add New Record، واختار CNAME Record.
- Hostinger: Domains ← افتح الدومين ← DNS / Nameservers، واختار CNAME.
- شركة تانية؟ دوّر على DNS أو «إدارة الدومين». ولو تهت، كلّمنا على واتساب ونمشي معاك خطوة بخطوة.
مش فاضي أو مش مرتاح للخطوات؟ دوس اعملوهالي في نفس الصفحة، وحد من فريقنا يكلّمك ويعملها معاك على التليفون في حوالي 5 دقايق. ومتبعتش كلمة سر حسابك في الشركة لأي حد، ولا حتى لينا.
3. دوس «اتأكد دلوقتي»
إحنا بنتأكد لوحدنا كل شوية، فتقدر تقفل الصفحة ونبعتلك أول ما يشتغل. ولو مستعجل، دوس اتأكد دلوقتي.
| اللي هتشوفه | معناه |
|---|---|
| بنستنى السطر يوصل | طبيعي. بياخد من دقايق لحد يوم، وهنبعتلك أول ما يشتغل. |
| لقينا السطر ✓ · بنجهّز الأمان | فاضل خطوة صغيرة علينا، وبتاخد دقايق. |
| شغّال ✓ | طلابك يدخلوا من دومينك، والرابط القديم لسه شغّال. |
| السطر مش مظبوط | هنقولك لقينا إيه بدل إيه. عدّله عند الشركة، ودوس اتأكد دلوقتي. |
| فيه مشكلة من عندنا | مش منك. بنحاول تاني لوحدنا. |
أسئلة بتتسأل كتير
- الرابط القديم هيبطل؟ لأ، بيفضل شغّال، واللي معاه يوصل عادي.
- عايز اللي يكتب mrahmed.com من غير www يوصل برضه؟ من نفس المكان عند الشركة، خلّي
mrahmed.comيحوّل علىwww.mrahmed.com. - عايز تشيل الدومين؟ دوس شيل الدومين، وطلابك يرجعوا يدخلوا من رابطك في حصّتي.