جرّبت الباقة وحسّيت إنها مش ليك؟ ولا يهمك. السياسة بسيطة، والخطوات أبسط.
إمتى تقدر تسترد فلوسك؟
- خلال 7 أيام من تفعيل الاشتراك، لو ما استخدمتش أكتر من ساعتين من الحصص: بنرجّع لك المبلغ كامل.
- لو الخدمة وقفت من عندنا مدة طويلة منعتك تدّي حصصك: بنعوّضك بمدة زيادة، أو بنرجّع لك قيمة المدة اللي فاضلة.
- لو تحويلك اترفض أو كان ناقص: بنرجّعه لنفس الرقم اللي اتحوّل منه، بعد ما نتأكد منه.
اطلب الاسترداد
- ابعت لنا إيميل على [email protected] من نفس الإيميل اللي مسجّل بيه في حصّتي.
- قول لنا الباقة، وتاريخ الدفع، والرقم اللي حوّلت منه. هتلاقي التاريخ والباقة في مدفوعاتي في كارت اشتراكك على الموقع، أو في باقتي في التطبيق.
- بنرد عليك ونرجّع المبلغ خلال 7 أيام عمل، بنفس طريقة الدفع اللي دفعت بيها.
حاجات مهمة
- لو كل اللي عايزه إنك توقف الدفع، مش محتاج استرداد ولا تحذف حسابك: الاشتراك مش بيتجدد لوحده، فسيبه يخلص في ميعاده.
- السياسة دي لاشتراكك إنت في حصّتي بس. الفلوس اللي طلابك بيدفعوها لك اتفاق بينك وبينهم، وحصّتي مش طرف فيه ولا بتاخد منه حاجة.
- حذف الحساب بيلغي الاشتراك، بس مش بيرجّع الفلوس لوحده. لو ليك حق في استرداد، اطلبه قبل ما تحذف.
التفاصيل الكاملة في الشروط: سياسة الاسترداد.