من التطبيق
- افتح تبويب فصولي واضغط «+ فصل جديد».
- اكتب اسم الفصل. الأحسن يكون فيه المادة والصف، زي «فيزياء · 1 ثانوي».
- لو حابب، اكتب أسماء الطلاب، كل اسم في سطر.
- اضغط «احفظ».
بعد الحفظ بتفتح صفحة الفصل، وفيها كل حاجة: كود الحصة، زرار «ابدأ الحصة»، الطلاب وروابطهم، والميعاد.
من الموقع
برضه تقدر تعمل فصل من صفحة حسابي على الموقع: في فصولي اكتب اسم الفصل، وأسماء طلابك لو حابب (كل اسم في سطر)، واضغط «أنشئ الفصل». هتلاقي الفصل الجديد ومعاه زرار واتساب جنب كل طالب، وزرار «ابدأ الحصة» اللي بيفتح الحصة في المتصفح.
كام فصل أقدر أعمل؟
اعمل فصل لكل مجموعة طلاب بتدرّس لهم مع بعض، من غير حد. بس الاشتراك لمعلم واحد، وحصة واحدة شغّالة في نفس الوقت.
حذف فصل
من آخر صفحة الفصل اضغط «حذف الفصل» وأكّد. الحذف بيمسح الطلاب وروابطهم، والروابط القديمة بتبطّل تشتغل. ده مش بيتلغي، فاتأكد الأول.