بدل ما تكتب إيميل وكلمة سر، تقدر تدخل بحساب جوجل بتاعك.
على الموقع
- افتح دخول المعلم أو جرّب مجانًا.
- اضغط «المتابعة بجوجل».
- اختار حسابك من صفحة جوجل. هترجع للموقع وإنت داخل.
لو ماعندكش حساب في حصّتي، بيتعمل لك حساب جديد بإيميل جوجل وتبدأ تجربتك المجانية. ولو عندك حساب بنفس الإيميل، بيدخلك عليه.
على أندرويد
في شاشة الدخول اضغط «المتابعة بجوجل» واختار حسابك من القايمة اللي بتظهر.
على ويندوز
لما تضغط «المتابعة بجوجل»، المتصفح بيفتح علشان تختار حسابك. بعد ما تختاره، ارجع للتطبيق: هتلاقي نفسك داخل.
لو حابب تدخل بكلمة سر برضه
حسابك اللي اتعمل بجوجل ليه كلمة سر عشوائية. لو عايز تدخل بالإيميل وكلمة السر كمان، اعمل كلمة سر جديدة من «نسيت كلمة السر؟».