بنحسّن حصّتي باستمرار، وكل فترة بتنزل نسخة جديدة. التحديث بياخد دقيقة، وفصولك وطلابك وروابطهم بيفضلوا زي ما هم.
نوعين رسايل
- «تحديث متاح»: علامة صغيرة فوق في التطبيق، أو «نسخة جديدة من حصّتي متاحة.» النسخة اللي عندك لسه شغّالة، بس الأحسن تحدّث في أقرب وقت. اضغطها علشان تنزّل النسخة الجديدة.
- «حدّث التطبيق»: شاشة كاملة مكتوب فيها «النسخة دي من حصّتي قديمة ومبقتش تشتغل». هنا لازم تحدّث علشان تكمّل. اضغط «نزّل النسخة الجديدة».
عندك حصة دلوقتي والتطبيق بيطلب تحديث والنت بطيء؟ اشرح من المتصفح النهارده، وحدّث بعد الحصة. شوف اشرح من المتصفح من غير تحميل.
على أندرويد
- اضغط «نزّل النسخة الجديدة» أو «تحديث متاح». هتفتح لك صفحة حصّتي على جوجل بلاي.
- اضغط تحديث (Update)، واستنى التحميل.
- افتح حصّتي تاني.
أو افتح جوجل بلاي بنفسك، ودوّر على حصّتي، واضغط تحديث.
علشان ما تحتاجش تفتكر، شغّل التحديث التلقائي: في جوجل بلاي افتح صفحة حصّتي، واضغط النقط التلاتة فوق، وعلّم على تحديث تلقائي.
على ويندوز
- اضغط «نزّل النسخة الجديدة» أو «تحديث متاح». ملف التثبيت الجديد هينزل.
- اقفل حصّتي، وشغّل الملف اللي نزل.
- التثبيت بيحدّث النسخة اللي عندك. افتح حصّتي تاني من الاختصار اللي على سطح المكتب.
لو ويندوز قال «Windows protected your PC»، اضغط More info وبعدين Run anyway. التفاصيل في تحميل التطبيق على أندرويد وويندوز.
لو ظهر «هذا الإصدار من التطبيق لا يدعم مزوّد الفيديو»
النسخة اللي عندك مش بتعرف تشتغل مع خدمة الفيديو اللي الحصة عليها. حدّث التطبيق بنفس الخطوات اللي فوق، وارجع للحصة.
التحديث مش بينزل؟
- اتأكد إن فيه مساحة كفاية على الجهاز.
- اتأكد من النت، وجرّب الواي فاي بدل الباقة.
- لو جوجل بلاي مش لاقي تحديث، اقفله وافتحه تاني، أو استنى شوية: النسخة الجديدة ساعات بتاخد وقت لحد ما توصل لكل الموبايلات.