استلام فلوس طلابك بالمحفظة وإنستاباي

أسهل طريقة تقبض بيها من طلابك: تحويل على محفظتك أو إنستاباي، وصورة التحويل، وتأكيد منك بضغطة. مش محتاج حساب تاجر ولا أي ربط.

فلوس طلابك بتروحلك انت على طول، وحصّتي مش بتاخد ولا قرش منها. إحنا مش بنلمس الفلوس أصلًا: الطالب بيحوّل على رقمك انت.

1. حط رقمك مرة واحدة

من لوحة منصّتي ← الإعدادات ← طرق الدفع (أو من «الفلوس» في إعداد أكاديميتك):

ومفتاح يظهر للطلاب جنب كل طريقة: تقدر تخبّي أي واحدة في أي وقت من غير ما تمسحها.

فين ألاقي عنوان إنستاباي؟ افتح تطبيق إنستاباي ودوس على اسمك أو صورتك فوق. العنوان مكتوب تحت اسمك، وبيخلص بـ @instapay.

2. الطالب بيدفع إزاي

1. الطالب يدوس اشترك في صفحة الكورس، ويختار محفظة موبايل أو إنستاباي.
2. يشوف المبلغ بالظبط، ورقمك بزرار انسخ الرقم، واسمك.
3. الطالب اللي عنده 15 سنة غالبًا مش هو اللي بيحوّل، فعنده زرار ابعت التفاصيل لحد يدفعلك: بيفتح واتساب برسالة جاهزة لماما أو بابا فيها المبلغ والرقم واسمك واسم الكورس. والطلب بيفضل مستنيه 3 أيام.
4. يرفع صورة التحويل (بتصغر على موبايله قبل ما تترفع، فبتترفع بسرعة حتى على نت ضعيف)، ويكتب لو حب الرقم اللي حوّل منه أو رقم العملية.
5. يدوس ابعتها لأ. (اسمك) يراجعها، ويوصلك إشعار.

وعلى ما تراجع، الطالب بيلاقي الدروس المجانية مفتوحاله، فمش بيقعد مستني.

3. راجع التحويل بضغطتين

من الإشعار (على الموقع أو في الإيميل) هتفتح كارت التحويل على طول، وفيه:

• المفروض يوصلك: المبلغ، وعلى أنهي محفظة.
• الطالب قال إنه حوّل من: الرقم أو رقم العملية، لو كتبه.
• صورة التحويل: دوس عليها تكبر.

قبل ما تفعّل، افتح تطبيق المحفظة أو البنك واتأكد إن المبلغ وصل. الصورة لوحدها مش دليل كفاية.

• لو وصل: دوس الفلوس وصلت، فعّل للطالب. الكورس بيتفتح للطالب على طول، وبيظهرلك زرار بلّغ على واتساب برسالة جاهزة.
• لو ما وصلش: دوس ما وصلتنيش واختار السبب بضغطة. الطالب بيشوفه بكلام لطيف:

مفيش حاجة بتتقفل نهائي من ضغطة غلط:

• فعّلت بالغلط؟ تحت رسالة النجاح فيه الغي التفعيل، وموجود كمان في صفحة الطالب.
• رفضت والفلوس وصلت بعدين؟ فعّل الطلب من صفحة الطالب.
• والطالب يقدر يرفع صورة تانية لو حصل لبس.

4. حاجات بتحصل لوحدها

• صورة متكررة: لو طالب رفع صورة اترفعت قبل كده في أكاديميتك، بنرجّعها له على طول برسالة: «الصورة دي اترفعت قبل كده. ارفع صورة التحويل الجديد.»
• تحويل واحد بيتراجع في المرة: لو الطالب عنده تحويل انت لسه بتراجعه، مش هيقدر يبدأ تاني لحد ما تخلص.
• 3 طلبات مستنية بالكتير لكل طالب، وأي طلب ما اترفعلوش صورة في 3 أيام بيقفل لوحده.
• الصور: المرفوضة بتتمسح بعد 30 يوم، والمقبولة بعد 180 يوم.

5. لو غيّرت رقم المحفظة

• الطلبات اللي لسه مفيهاش صورة تحويل بتقفل، عشان محدش يحوّل على الرقم القديم. الطالب بيبدأ من جديد ويلاقي رقمك الجديد.
• بيوصلك إيميل بالتغيير: «اتغيّرت بيانات استلام الفلوس في منصّتك…». لو مش انت اللي غيّرته، غيّر كلمة السر فورًا وكلّمنا على واتساب.

6. الإيصال والاسترجاع

• كل دفعة بتطلّع للطالب إيصال صادر من أكاديميتك، مكتوب فيه إن حصّتي مقدّم خدمة تقنية بس ومش طرف في البيع.
• حصّتي عمرها ما بترجّع فلوس الطلاب، لأنها أصلًا مش بتستلمها. لو رجّعت لطالب فلوس بنفسك، افتح الدفعة من المدفوعات ← كل المدفوعات ودوس سجّل استرجاع: كامل أو جزء، والسبب (ليك انت بس)، ولو عايز اقفل المحتوى على الطالب.

أسئلة سريعة

الطالب حوّل مبلغ أقل؟ اختار «المبلغ ناقص». الطالب هيعرف ويكمّل الباقي ويرفع صورة تانية.

الطالب حوّل من رقم ماما؟ عادي جدًا. عشان كده فيه خانة «الرقم اللي حوّلت منه»، وده بيخليك تلاقي التحويل أسرع.

عايز الطلاب يدفعوا بالفيزا كمان؟ اربط Paymob من نفس الصفحة: ربط Paymob.