الدفع بفودافون كاش خطوة بخطوة

الدفع بيتم من الموقع مش من التطبيق.

1. اختار الباقة

1. ادخل hessety.com بحسابك وافتح حسابي.
2. في جزء اشتراكك اضغط «اختار باقة» (أو «جدّد أو غيّر الباقة»)، واضغط «اختار» تحت الباقة اللي تناسبك.
3. اختار المدة: شهر، 3 شهور، أو سنة. السعر بعد الخصم مكتوب جنب كل مدة.
4. في «هتدفع بإيه؟» اختار فودافون كاش.
5. اضغط «كمّل للدفع».

2. حوّل المبلغ

هتفتح لك صفحة فيها المبلغ والرقم اللي هتحوّل عليه، وجنب كل واحد زرار نسخ.

1. افتح تطبيق «أنا فودافون» أو اطلب كود المحفظة من موبايلك.
2. حوّل المبلغ بالظبط للرقم اللي ظاهر في الصفحة.
3. خد صورة شاشة (اسكرين شوت) لرسالة نجاح التحويل.

3. ارفع صورة التحويل

1. ارجع لنفس الصفحة واختار صورة الشاشة.
2. لو حابب اكتب الرقم اللي حوّلت منه أو رقم العملية. ده بيسرّع المراجعة.
3. اضغط «أرسل للمراجعة».

بعد كده

• بنراجع التحويل، وغالبًا ده بيخلص في خلال ساعات.
• أول ما يتأكد بيوصلك إيميل وإشعار «تم تأكيد دفعك»، واشتراكك بيبقى فعّال على طول.
• تقدر تتابع الحالة من مدفوعاتي في جزء اشتراكك في صفحة حسابي: «قيد المراجعة» ثم «تم الدفع».

لو التحويل اترفض

هيوصلك سبب الرفض، زي إن المبلغ ناقص أو الصورة مش واضحة، وهتلاقيه كمان فوق في صفحة حسابي. اضغط «ارفع صورة التحويل» وارفع الصورة الصح.

لو قفلت الصفحة قبل ما ترفع الصورة، افتح حسابي: هتلاقي فوق «باقي خطوة واحدة: ارفع صورة التحويل»، اضغط عليها.