كل طالب في فصولك له محادثة معاك. الطالب بيشوف رسايلك في صفحة الحصة (رابطه الشخصي) وفي تطبيق أندرويد، ويقدر يرد عليك.
ابعت لطالب
- من التطبيق: افتح الفصل، واضغط ⋮ جنب اسم الطالب، واختار رسالة.
- من الموقع: في حسابي، اضغط رسالة جنب اسم الطالب.
ابعت للفصل كله
لو عايز تقول حاجة لكل الطلاب، زي «حصة بكرة اتأجلت ساعة»:
- من التطبيق: افتح الفصل واضغط رسالة للفصل.
- من الموقع: في كارت الفصل في حسابي، افتح رسالة للفصل.
الرسالة بتوصل لكل طالب في محادثته معاك، ويقدر يرد عليك لوحده.
فين ألاقي رسايل طلابي؟
في تبويب الرسائل في التطبيق، أو أيقونة الرسائل فوق في الموقع. الرقم الأحمر هو عدد الرسايل الجديدة. ولو التطبيق على موبايلك، هيوصلك إشعار مع كل رسالة.
فريق حصّتي
أول محادثة في الرسائل دايمًا مع فريق حصّتي. اكتب لنا فيها أي سؤال أو مشكلة، وهنرد عليك هناك وعلى بريدك.
حاجات مهمة
- الرسايل نص بس، لحد 2000 حرف.
- محادثاتك مع طلابك خاصة بيك وبيهم. فريق حصّتي مش بيشوفها.
- لو حذفت طالب أو حذفت الفصل، محادثاته بتتمسح.
- الطلاب اللي دخلوا بكود الحصة من غير رابط شخصي ملهمش محادثة. ضيفهم في الفصل وابعتلهم روابطهم.