الطالب واقف على «الحصة لسه مابدأتش»
ده طبيعي لو إنت لسه ما ضغطتش «ابدأ الحصة». أول ما تبدأ، الطالب بيدخل لوحده. لو بدأت وهو لسه مستني، خليه يعمل تحديث للصفحة.
الرسايل ومعناها
| الرسالة اللي عند الطالب | معناها وحلّها |
|---|---|
| «المعلم أغلق باب الحصة» | إنت قفلت الباب. من المزيد اختار افتح الباب، وبعد ما يدخل اقفله تاني. |
| «الحصة لا تقبل ضيوفًا آخرين بالكود» | عدد الداخلين بالكود وصل للحد. ابعت للطالب رابطه الشخصي بدل الكود. |
| «الحصة مكتملة العدد الآن» | الحصة وصلت لأقصى عدد. خلّي اللي ملوش لازمة يخرج، أو قسّم الطلاب على حصتين. |
| «أخرجك المعلم من هذه الحصة» | إنت خرّجته من الحصة دي. هيقدر يدخل الحصة الجاية عادي. |
| «لا يمكن دخول الحصة الآن. اطلب من معلمك مراجعة اشتراكه» | اشتراكك انتهى. جدّد من حسابي على الموقع. |
| «هذا الرابط غير صحيح» | الرابط ناقص، أو الطالب اتحذف من الفصل. ابعت له الرابط تاني من صفحة الفصل. |
| «كود الحصة غير صحيح» | الكود متكتب غلط، أو كود فصل تاني. راجع الكود في صفحة الفصل. |
الرابط مش بيفتح
- اتأكد إن الطالب بيفتح آخر رابط بعته له. لو حذفت الطالب من الفصل، رابطه القديم بيبطّل يشتغل. ضيفه تاني وابعت له الرابط الجديد.
- لو الرابط اتقطع في واتساب، انسخه كامل وابعته تاني.
- لو بيفتح من جوّه فيسبوك أو إنستجرام، خليه يفتحه في كروم أو سفاري.
الكود مش شغّال
- الكود 6 حروف وأرقام، زي 7KQ-29M. الشرطة والحروف الكابيتال أو السمول مش فارقين.
- اتأكد إنه كود نفس الفصل اللي هتبدأ حصته.