المظهر والإشعارات

المظهر

من تبويب حسابي في التطبيق اختار المظهر، واختار الألوان اللي تريح عينك. التطبيق بيتغير على طول.

• تلقائي: فاتح بالنهار وداكن بالليل، حسب إعداد موبايلك.
• ألوان فاتحة: حصّتي، دفتر، بحر، ورد، رمل، وواضح (أسود على أبيض، للنور القوي).
• ألوان داكنة: حصّتي ليلي، سبّورة، وليل.

المظهر بيتغير عندك إنت بس، مش عند طلابك.

الإشعارات

علامة الجرس فوق في التطبيق وفي الموقع بتوريك الإشعارات، والرقم عليها عدد الجديد. هتوصلك إشعارات زي:

• طالب فتح رابطه وبيستناك تبدأ الحصة.
• «تم تأكيد دفعك» أو سبب رفض صورة التحويل.
• «اشتراكك ينتهي قريبًا»، قبل الانتهاء بـ3 أيام.
• رسايل مهمة من فريق حصّتي.

إشعارات الدفع والاشتراك بتوصلك على الإيميل كمان.

الإشعارات مش بتوصل على الموبايل؟

• اتأكد إن إشعارات تطبيق حصّتي مسموحة من إعدادات الموبايل.
• بعض الموبايلات بتقفل التطبيقات اللي في الخلفية لتوفير البطارية. شيل حصّتي من «توفير البطارية» في الإعدادات.