التجديد وانتهاء الاشتراك

إمتى اشتراكي بيخلص؟

ادخل حسابي على الموقع. في جزء اشتراكك هتلاقي اسم الباقة وتاريخ انتهائها، والوقت اللي فاضل. ولما يقرب يخلص، هتلاقي تنبيه فوق الصفحة فيه زرار «جدّد اشتراكك».

قبل الانتهاء بـ3 أيام بيوصلك إيميل وإشعار «اشتراكك ينتهي قريبًا».

جدّد نفس الباقة

اضغط «جدّد أو غيّر الباقة»، واختار نفس الباقة («جدّد») والمدة، وادفع زي العادي. المدة الجديدة بتتضاف بعد تاريخ الانتهاء الحالي، فمش هتخسر ولا يوم.

غيّر الباقة (مثلًا من أساسية لبرو)

اختار الباقة الجديدة وادفع. أول ما الدفع يتأكد، الباقة الجديدة بتبدأ من يوم التفعيل والقديمة بتقف.

الأيام اللي فاضلة في الباقة القديمة مش بتترحّل للجديدة. علشان كده الأنسب تغيّر الباقة قرب نهاية اشتراكك.

لو الاشتراك خلص

مش هتقدر تبدأ حصص، وهيظهر لك «اشتراكك انتهى أو نفد رصيد ساعات الشهر». فصولك وطلابك وروابطهم بتفضل محفوظة زي ما هي. أول ما تجدد، كل حاجة بترجع تشتغل.

استرداد الفلوس

تقدر تطلب استرداد المبلغ كامل خلال 7 أيام من التفعيل لو ما استخدمتش أكتر من ساعتين. ابعت لنا على [email protected]. التفاصيل في الشروط وسياسة الاسترداد.