فيه طريقتين لدخول الحصة:
الرابط الشخصي (الأفضل)
كل طالب في الفصل ليه رابط باسمه، زي hessety.com/j/…. بيفتحه ويدخل على طول من غير ما يكتب أي حاجة، واسمه بيظهر لك صح في الحضور.
استخدمه مع طلابك الأساسيين.
كود الحصة
كل فصل ليه كود من 6 حروف وأرقام، زي 7KQ-29M. هتلاقيه فوق في صفحة الفصل، وجنبه زرار نسخ.
الطالب اللي معاه الكود:
- يفتح hessety.com/j، أو التطبيق ويختار «أنا طالب».
- يكتب الكود واسمه.
- يضغط «ادخل الحصة».
الكود مناسب لطالب جديد لسه ماضفتهوش، أو لحصة تجريبية. اللي بيدخل بالكود بيدخل كضيف، وعدد الضيوف في الحصة محدود علشان مايزحمش طلابك.
الأمان
- لو حد غريب دخل، أخرجه من الحصة من قايمة الطلاب. اللي بتطلّعه مش بيقدر يرجع نفس الحصة.
- بعد ما كل طلابك يدخلوا، اقفل باب الحصة علشان محدش جديد يدخل.