إزاي تبدأ تجربتك المجانية

التجربة المجانية مدتها 14 يوم، ومش محتاج فيها بطاقة ولا تدفع أي حاجة.

سجّل حسابك

1. افتح موقع hessety.com واضغط «جرّب مجانًا».
2. اكتب اسمك وإيميلك واختار كلمة سر، أو اضغط «المتابعة بجوجل» وادخل بحساب جوجل بتاعك.
3. لو سجّلت بالإيميل، هيوصلك إيميل فيه رابط تأكيد. افتحه، لأن مش هتقدر تبدأ حصة قبل ما تأكّد إيميلك. لو الرسالة ما وصلتش، دوّر في الـ Spam أو اطلب رسالة جديدة بزرار «ابعت الإيميل تاني» في التطبيق، أو من صفحة حسابي على الموقع.

لو دخلت بجوجل، إيميلك بيتأكّد تلقائيًا ومش محتاج الخطوة دي.

أول ما تسجّل، تجربتك بتبدأ على طول.

إيه اللي متاح في التجربة

• كل أدوات الحصة: الصوت والصورة، مشاركة الشاشة، السبورة، السؤال السريع، ورفع الإيد.
• حدود التجربة: حتى ساعة حصص يوميًا (استخدام عادل)، 3 ساعات حصص في الشهر، حتى 5 طلاب متحدثين في الحصة.
• بتظهر إعلانات صغيرة ليك ولطلابك.

بعد التجربة

لما التجربة تخلص، اختار باقة من باقتي في التطبيق أو من صفحة حسابك على الموقع، وادفع بفودافون كاش أو إنستاباي. فصولك وطلابك وروابطهم بتفضل زي ما هي، ومش هتحتاج تبعت روابط جديدة.

لو عايز تعرف الفرق بين الباقات قبل ما تقرر، اقرأ مقال «الباقات والفرق بينها».